Programm Elettorali tal-Partit Nazzjonalista għall-Mellieħa 2008-2011
Servizz lill-poplu
Kunsill immexxi minn maġġoranza ta’ kunsilliera f’isem il-Partit Nazzjonalista
iżomm bħala l-għan ewlieni tiegħu: is-servizz
lill-poplu - permezz ta’ l-edukazzjoni,
indafa, aktar toroq tajba u aċċessibbli, tmexxija aħjar tat-traffiku,
koperazzjoni mal-komunita’ kummerċjali, aktar
ħidma
soċjali u kulturali għaż-żgħażagħ u r-residenti kollha, kif ukoll aktar ħidma
fil-kura ta’ l-anzjani. Kunsill Lokali b'maġġoranza ta' kunsillieri eletti
f'isem il-Partit Nazzjonalista, jaħdem biex jintlaħqu l-miri u l-aspirazzjonijiet
tar-residenti tal-Mellieħa, il-Manikata u l-inħawi
kollha tagħhom.
Ambjent
Il-kunsill jagħmel ħiltu kollha biex l-ambjent kif ukoll il-karatteristiċi
Melliħin ikomplu jiżviluppaw b’mod sostenibbli. ll-kunsill ikompli jagħti l-appoġġ
tiegħu lill-individwi, għaqdiet ambjentali u għaqdiet oħra li bil-ħidma tagħhom
jagħtu sehemhom biex il-karatteristiċi tal-Mellieħa jkunu konservati bl-aħjar
mod possibli.
Tindif
Jissaħħaħ il-programm ta’ tindif fir-raħal u l-madwar kif ukoll il-ġbir ta'
skart kemm dak domestiku kif ukoll dak goff. Jiżdiedu l-bring-in-sites
fejn jiġi separat l-iskart domestiku li jista’ jkun depożitat f’dawn is-siti.
Inħeġġu l-edukazzjoni tas-separazzjoni ta’ l-iskart u ngħinu fil-kampanji ta’
tindif li jkunu organizzati matul is-sena mill-għaqdiet ambjentali kemm
nazzjonali kif ukoll dawk lokali.
Infrastruttura
Il-kunsill ikompli jsaħħah
il-Mellieħa
bi proġetti infrastrutturali. Ikompli x-xogħol
ta' kisi bit-tarmak fit-toroq tal-Mellieħa
li jaqgħu
taħt ir-responsabbilta’ tal-Kunsill u jara li jitlestew it-toroq kollha li għad
ma ngħatawx it-tarmak. Kunsill Nazzjonalista jaħdem flimkien mal-Gvern biex il-ftit
toroq li baqa’ fil-Mellieħa jinbnew mill-ġdid għal benefiċċju tar-residenti li
joqgħodu fihom. It-turġien li huma karatteristika tal-Mellieħa jingħataw aktar
ħajja billi jkunu trasformati f’ġonna żgħar u jitħawwlu arbuxelli u fjuri li
jistgħu jagħtu dehra isbaħ lir-raħal tagħna. Il-Kunsill jaħdem biex ikun hemm
aċċessibilita’ aħjar lejn u mill-Mellieħa. It-triq li tagħti lejn il-Manikata
ngħatat t-tarmak mill-Gvern, għalhekk issir ħidma biex tinfetaħ biċċa triq oħra
li biha jkun evitat ħafna traffiku ġol-Manikata. Naħdmu ukoll biex jitwessgħu
biċċiet dojoq li hemm fit-triq tal-Miżieb biex din it-triq tkun tista tintuża
aktar u tkun ukoll alternattiva għat-triq tax-Xemxija. Kunsill immexxi mill-Partit
Nazzjonalista jaħdem mal-Gvern biex il-pont tal-Mistra jkun mibni mill-ġdid.
Il-kunsill għandu jaħdem flimkien mal-komunita’ kummerċjali biex ikun
identifikat post fejn jista’ jsir parkeġġ għal sigħat twal, b’hekk tinqata’ l-konfużjoni
u konġestjoni li jkun hemm fi Triq Ġorġ Borg Olivier u Triq il-Kbira matul il-ġurnata
waqt li l-parking f’dawn iż-żewġ
toroq ikun kontrollat aktar u għal ħinijiet qosra. Isir proġett ta’ parkeġġ fl-Għadira
waqt li jsir titjib u tisbiħ tal-promenade.
Tissebbaħ ukoll il-bajja tal-Għadira b’kollaborazzjoni mal-Gvern, ħaġa li wkoll
hija fil-pjani tal-Gvern.
Ġonna
Il-ġonna u l-postijiet ta’ rikjreazzjoni jinżammu fi stat tajjeb filwaqt li fejn
hu possibli jissebbħu. Postijiet oħra li għadhom mhux żviluppati isirilhom
xogħol biex dawn ukoll jissebbħu u jinbidlu f’postijiet ta’ rikreazzjoni għan-nies
ta’ l-inħawi. Postijiet bħal dawn jinsabu f’Ta’ Masrija u l-Għoljiet tal-Mellieħa.
Toroq f'Santa Marija Estate
Wasal iż-żmien li dawn it-toroq ikunu rranġati kif jixraq, għalhekk il-kunsill
jara li jsiru wkoll s-servizzi. Il-Kunsill Lokali jirsisti biex isiru l-bankini
u sistema adegwata ta’ street lighting
f’din iż-żona.
Trasport Pubbliku
Il-Kunsill Lokali jibda trattattivi ma’ l-Awtorita’ dwar it-Trasport u l-Assoċjazzjoni
tat-Trasport Pubbliku biex is-servizz ta’ trasport pubbliku minn u lejn il-Mellieħa
ikun imtawwal għal aktar tard fil-għaxija
Komunita’ Kummerċjali
Kunsill Lokali b'maġġoranza Nazzjonalista jkompli jsaħħah id-djalogu mal-Komunita’
Kummerċjali Melliħija. Dan għax jagħraf l-importanza kruċjali li l-Komunita’
Kummerċjali toffri lill-Mellieħa u lit-turisti li jżuruna b’mod partikulari fix-xhur
tas-Sajf.
Ħidma soċjali
Kunsill immexxi minn maġġoranza Nazzjonalista jagħmel ħiltu kollha biex isaħħaħ
il-valuri tal-poplu Mellieħi. Jibqa’ jgħin lill-għaqdiet kollha li jaħdmu fil-volontarjat.
Jagħti spazju liIl-inizjattivi li jieħdu dawn l-għaqdiet u filwaqt li
jipparteċipa, ma jkunx ta' xkiel għal dawn l-inizjattivi. Jagħmel dak kollu
possibbli biex il-familja Melliħija tibqa’ sħiħa u magħquda b’risq komunita’
dejjem aktar b’saħħita.
Saħħa,
Anzjani u Persuni b'diżabbilta’.
Wara ħidma kontinwa mill-Gvern mmexxi mill-Partit Nazzjonalista li tat il-frott,
il-bini tad-Dar ta’ L-Anzjani fil-Mellieħa issa sar realta’. Kunsill Lokali
b’maġġoranza Nazzjonalista jaħdem biex din id-dar isir l-aħjar użu minnha b’risq
il-komunita’ Melleħija u biex l-anzjani Melliħin ikollhom l-opportunita’ li
jibqgħu jgħixu fil-Mellieħa meta jkollhom bżonn ikunu rikoverati f’xi dar
għall-Anzjani. Il-kunsill jaħdem biex fid-Day
Centre li hu parti mid-dar għall-anzjani jsiru diversi attivitajiet biex
l-anzjani tagħna jkunu jistgħu jirrikreaw ruħhom fil-ħin liberu tagħhom.
Il-Kunsill jara li l-Berġa, li issa ġiet trasferita fil-bini tad-Dar
għall-Anzjani tkun użata bl-aħjar mod possibbli billi tibda toffri servizzi oħra
fil-qasam tas-saħħa.
Bi ftehim mal-Gvern, il-Kunsill jibda joffri servizz ta’ tilqim, ta’ l-insulina
kemm fil-berġa kif ukoll fid-djar għal dawk li ma jistgħux joħorġu. Isiru wkoll
sessjonijiet ta’ screening għad-dijabetiċi
kif ukoll għal min ibati bil-pressjoni jew bi problemi ta’ piż żejjed. Il-Kunsill
jkompli bil-proġett ta’ tilqim b’xejn kontra l-influwenza.
Il-Kunsill
jesplora l-possibbilta’ jekk jiġux estizi s-servizzi tat-tabib u infermiera
mill-klinika.
Il-Kunsill Lokali jagħmel analiżi, bl-approvazzjoni tad-Dipartiment tas-Saħħa
fuq Community Needs Assessment
li bih ikunu indirizzati l-bżonnijiet tal-komunita’ Melliħija mingħajr ma jsir
ħela ta’ riżorsi waqt li jsir magħruf kif qed jiżvolġu ċerti xejriet. Issir
ukoll evalwazzjoni tal-bżonnijiet biex diversi nies, speċjaliment dawk anzjani,
jieħdu l-assistenza u l-appoġġ li jkunu jeħtieġu.
Jinħoloq programm ta’ taħriġ għal dawk li jkunu qed jistennew tarbija kif ukoll
lill-dawk li jkunu qed irabbu lill-uliedhom, b’attenzjoni
partikulari lill-gruppi
vulnerabbli. Flimkien ma’
entitajiet privati u għaqdiet volontarji, il-kunsill joffri wkoll servizzi ta’
pariri u laqgħat dwar is-saħħa.
Edukazzjoni u Kultura
ll-Kunsill Lokali tal-Mellieħa jorganizza u jinkoraġġixxi attivitajiet
edukattivi u kulturali u li jilħqu lil kulħadd.
Il-Kunsill jibqa’ jiffinanzja attivitajiet kulturali u mużikali li
jittelgħu minn għaqdiet Melliħin. Ikompli jsaħħaħ l-attivitajiet edukattivi
bħat-tagħlim tal-lingwa Maltija lill-barranin fost l-oħrajn. Ikompli jsaħħaħ
Avventura Sajf u jkompli jħajjar għal aktar parteċipazzjoni fil-korsijiet,
inklużi dawk ta’ l-I.T. waqt li jassigura l-livell għoli tagħhom.
Ma tonqosx ukoll ħidma aktar mill-qrib mal-Kunsill Skolastiku ta’
l-Iskola Primarja tal-Mellieħa f’attivitajiet għat-tfal Melleħin.
Għajnuna biex jigi żviluppat it-talent lokali u ħiliet oħra
Il-Kunsill Lokali joffri l-għajnuna tiegħu lil dawk l-għaqdiet u individwi li
joffru tagħlim fl-arti, mużika u affarijiet oħra li bihom ikompli jistgħana
t-talent lokali. Jagħti spinta wkoll lill-attivitajiet letterarji, xi ħaġa li sa
issa ma ngħatatx l-attenzjoni meħtieġa. Kunsill b’maġġoranza Nazzjonalista
joffri opportunitajiet u jgħin għaqdiet jiżviluppaw l-ħiliet tal-membri tagħhom.
L-UE u
Żgħażagħ
Kunsill b'maġġoranza Nazzjonalista jgħin fl-inizjattivi li joħolqu ż-żgħażagħ
b'risq il-komunita’. Kif ġara fil-passat kunsill b’maġġoranza Nazzjonalista
jaħdem biex jidentifika programmi ta’ l-Unjoni Ewropea fejn il-komunita’
Melliħija u partikolarment ż-żgħażagħ Melliħin jkunu jistgħu jgawdu mill-opportunitajiet
kollha li joffru dawn it-tip ta’ programmi. Kunsill b’maġġoranza Nazzjonalista
jaħdem biex iġib fondi mill-Unjoni Ewropea għall-iffinanzjar ta’ proġetti
kapitali
Tisħiħ tal-librerija
Tkompli tissaħħaħ
il-Librerija Pubblika li issa tinsab f'idejn il-Kunsill Lokali, wara li kienet
devoluta mill-Gvern, b’xiri ta’ aktar kotba b’suġġetti aktar varji li jilħqu
l-gosti ta’ kulħadd.
Tisħiħ tal-ġemelaġġ
Jissaħħaħ il-ġemellaġġ mal-bliet tewmija ta' Adenau fil-Ġermanja u Cavriglia
fl-Italja biex il-poplu tal-Mellieħa jkun jista’ jieħu l-aħjar benefiċċji minn
dawn il-ġemellaġġi. Naraw li bi skambji soċjo-kulturali ma dawn iż-żewġt’ibliet,
il-poplu Mellieħi igawdi esperjenzi u opportunitajiet ġodda.
Protezzjoni tal-Wirt Storiku
ll-Kunsill Lokali jaħdem biex tingħata aktar protezzjoni lill-wirt storiku li
għandna fil-Mellieħa. Titrawwem kuxjenxa dwar l-importanza ta’ l-ambjent rurali
li jdawwar ir-raħal tal-Mellieħa billi ma jitħalliex isir żvilupp li mhux
sostenibbli jew li jgħarraq is-sbuħija naturali tal-post. Kunsill Lokali
b'maggoranza Nazzjonalista jorganizza żjajjar u mixjiet fil-postijiet storiċi
ta' madwar ir-raħal, kif ukoll f'postijiet oħra ta' natura ambjentali, li
sfortunatament il-poplu ma jafx ħafna dwarhom. Il-kunsill jagħti aktar għarfien
lill-għaqdiet volontarji li jieħdu kura ta’ siti storiċi bħalma huma x-xhelters
ta’ żmien il-gwerra u t-tunnara.
Sport
Il-kunsill jagħmel ħiltu kollha biex bl-għajnuna tal-Gvern Ċentrali jsir użu
aħjar mill-art mal-ġenb ta’ l-iskola tal-Mellieħa. Billi jsir studju dwar
il-possibbilta’ li jkun żviluppat proġett li jgħin biex fih isiru diversi
dixxiplini sportivi li bħalissa m’hawnx fejn jistgħu jkunu prattikati. Jsir użu
aħjar mill-bini ta’ l-istess skola waqt l-ħin li l-iskola ma tkunx qed tintuża.
Il-kunsill jibqa’ jagħti l-appoġġ kollu tiegħu biex il-kaċċaturi Melliħin
ikollhom shooting-range fejn ikunu jistgħu jipprattikaw l-isport favorit
tagħhom. Il-kunsill jgħin lill-għaqdiet sportivi jorganizzaw kompetizzjonijiet
sportivi u joffri għajnuna għal dawn il-kompetizzjonijiet. Il-Kunsill Lokali
għandu jibda jorganizza attivita’ fejn jingħata unur lill-isportiv Mellieħi
tas-sena.
Ordni Pubbliku
Il-kunsill jagħti priorita’ lill-ordni pubblika kif ukoll jara li l-liġijiet u
r-regolamenti jkunu osservati.
Jerġa’
jagħti l-ħajja s-sistema tan-neighbourhood watch fiż-żoni differenti
tal-Mellieħa. Il-kunsill jara li jkun hawn sistema effiċjenti ta’
traffic management billi jsiru
tabelli u sinjali tat-traffiku kull fejn meħtieġ u jara li t-traffiku jimxi
mingħajr tfixkil.
Aċċessibbilta’
ll-kunsill għandu jagħmel
Proġett
ta' afforestazzjoni
Il-gvern nieda proġett ta’ afforestazzjoni Foresta 2000 f`ħafna siti madwar
Malta u Għawdex b’waħda mil-lokalitajiet tkun il-Mellieħa fil-limiti ta’ taħt
it-Torri l-Aħmar fejn tħawlu 4,000 siġra b`kollaborazzjoni mal-Bird Life
u Din l-Art Helwa. Il-kunsill jibqa’ jagħti l-appoġġ tiegħu għas-suċċess ta’ dan
il-proġett. Il-kunsill ikompli bil-ħidma, flimkien mal-Gvern, fuq il-proġett ta'
afforestazzjoni fl-inħawwi ta' Braġ fejn jitħawlu aktar siġar u pjanti endemiċi.
Kunsill b’maġġoranza Nazzjonalista jkompli jidentifika aktar postijiet fejn
jitħawwlu aktar siġar.
Manikata
Għall-inħawi tal-Manikata, kunsill immexxi
Konsultazzjoni sħiħa
Kunsill b’maġġoranza Nazzjonalista jemmen li l-poplu għandu x’joffri. Għalhekk,
il-kunsill jagħti widen għas-suġġerimenti li l-poplu Mellieħi jista’ joffri u
joffri l-ispazji kollha possibbli biex ir-residenti kollha tal-Mellieħa, Santa
Marija Estate, il-Manikata, Selmun u l-inħawi tal-madwar jesprimu ruħhom
u jwasslu l-kummenti tagħhom.